Burhalter: Mos e shikoni BE-në si armik të Zvicrës

Kështu ai ka marrë në mbrojtje mënyrën se si Qeveria po i bën negocimet me BE-në në lidhje me çështjet institucionale

“Ne duhet të pushojmë që te Bashkimi Evropian gjithmonë të shohim armikun”. Kështu ka thënë ministri zviceran i punëve të jashtme, Didier Burkhalter në një intervistë për gazetën “NZZ am Sonntag” të ditës së sotme.

Me këtë deklarim ai ka marrë në mbrojtje mënyrën se si Qeveria Federale po i bën negocimet me BE-në në lidhje me çështjet institucionale.

“Sikur rruga bilaterale të ishte një qorrsokak, siç po thuhet shpesh, ne nuk do të dëshironim që edhe më tutje të shkonim me vullnet të plotë asaj rruge”, ka thënë ministri.

Sipas tij, një rrugë e tillë që e ka zgjedhur ekzekutivi i vendit i sjell Zvicrës siguri juridike dhe zhvillim ekonomik.  Zvicra është e rëndësishme për Bashkimin Ekonomik ka thënë më tutje Burkhalter.

Kështu, vazhdon ai, deputeti dhe ideologu i SVP/UDC-së, Christoph Blocher me qëndrimin e tij refuzues “ka bërë një startim të gabuar”.