Burg i përjetshëm për vrasësin e 19 vjeçares

Në kohën kur e kishte kryer këtë krim, ai ndodhej në arrest shtëpiak, pasi kishte kryer burgun për dhunim seksual dhe vrasje të partneres së tij, që kishte ndodhur në vitin 1998

Personi i cili para tri vitesh pati vrarë një të re 19 vjeçare në Payerne (Vaud) është dënuar me burg te përjetshëm. Gjykata në Renens (Vaud) i ka shqiptuar atij edhe masën mbrojtëse, kujdestari po ashtu të përjetshme.

I dënuari, atëbotë 36 vjeçar nga kantoni i Freiburgut, në maj të vitit 2013 e kishte rrëmbyer dhe pastaj e kishte vrarë vajzën me emrin Marie, shkrun srf.ch.

Në kohën kur e kishte kryer këtë krim, ai ndodhej në arrest shtëpiak. Këtë arrest po e mbante pasi kishte kryer burgun për dhunim seksual dhe vrasje të partneres së tij, që kishte ndodhur në vitin 1998, transmeton albinfo.ch. Atëbotë ai qe dënuar me 20 vjet burg ndërsa vrasjen tjetër e ka kryer derisa ishte liruar nga burgu dhe po mbahej në arrest shtëpiak me pranga eelektronike në këmbë.

Trupi gjykues ka konstatuar se bëhet fjalë për një person tepër të rrezikshëm dhe psikopat prandaj asnjë dënim tjetër nuk është adekuat për të përveç dënimit kapital, me burgim të përjetshëm.

Dëimi nuk është ende i plotfuqishëm.