Britanikët mund të vaksinohen para Krishtlindjeve

Numri i vaksinave që do të kërkohet nga Britania do të varet tek efektiviteti i masave për të parandaluar infeksionin

Ministri i Shëndetësisë në Britani, Matt Hancock, tha në nisje të javës se vendi mund të nisë ofrimin e vaksinës së Pfizer përpara Krishtlindjeve, nëse deklarohet e siguritë dhe efektive.

Hancock tha se qeveria po bashkëpunon me firmën amerikane të farmaceutikës dhe do të jetë gati të nisë prezantimin e vaksinës nga data 1 dhjetor, nëse jepet drita e gjelbër deri më atëherë.

“Po bashkëpunojmë me Pifzer dhe do të jemi gati ta prezantojmë vaksinën sa më shpejtë të jetë e mundur.  Mund të jemi gati më 1 dhjetor, nëse çdo gjë shkon mirë. Por me shumë gjasa do të nisim ta ofrojmë përpara Krishtlindjeve”, transmeton Scan, përcjell albinfo.ch.

Megjithatë, ai paralajmëroi se dita e nxjerrjes në treg mund të jetë më afër Krishtlindjeve dhe pjesa më e madhe e vaksinimit do të ndodhë në nisje të vitit 2021.

Hancock tha se numri i vaksinave që do të kërkohet nga Britania do të varet tek efektiviteti i masave për të parandaluar infeksionin.

Ministri i shëndetësisë theksoi gjithashtu se zyra e kryeministrit në Downing Street po operon me udhëzimet strikte të koronavirusit, pasi Boris Johnson është vetë-izoluar përsëri, pas takimit me një deputet konservator që është testuar pozitiv.

Johnson u shtrua në spital në Prill prej Covid-19 dhe kaloi 3 netë në kujdes intensiv.

---