Brenda 24 orëve shpëtohen 800 emigrantë ilegalë

Refugjatët janë kapur para se të mbërrinin në Sicili. Policia detare ka shoqëruar me helikopter refugjatët, njoftuan mediet italiane

Rreth 800 refugjatë nga veriu i Afrikës ishin duke lundruar në  shtatë anije dhe barka. Fluksi i emigrantëve në drejtim të Mesdheut për shkak të kushteve më të mira atmosferike është rritur ndjeshëm ditët e fundit.
 
Vitin e kaluar 42’925 refugjatë erdhën me anije dhe barka në Italia,  duke shënuar rekord. Kjo paraqet një rritje prej 325 për qind më shumë në krahasim me vitin 2012.
 
Në mesin e emigrantëve kishte edhe 3818 të mitur që nuk ishin të shoqëruar nga të rriturit . 88 për qind e emigrantëve vitin e kaluar zbarkuan  në Sicili të Italisë . 14’753 sish në Lampedusa .
 
Këtë vit mund të ketë një rekord të ri . Në janar  tashmë arritën 2157 emigrantët në Italinë e Jugut . Kjo është dhjetë herë më shumë se në të njëjtën periudhë vitit 2013. (sda)