Bota lavdëron studentët kosovarë për animacionin e suksesshëm mbi tërmetet

Në kohën kur arsimi në Kosovë po kritikohet me të madhe nga të gjitha anët, një grup studentësh kosovarë po duartrokitet në mediat botërore. Ata kanë ndërtuar një animacion i cili përmes videos tregon pikat në globin e botës në të cilat ndodhin më së shpeshti tërmetet.

Mediat si stern.de, blick.ch etj. i japin rëndësi të madhe këtij animacioni, duke përshkruar funksionimin e tij si mjaft mbresëlënës.

Sa më e fuqishmne dridhja e tokës, aq më i madh është rrethi i treguar vizualisht. Bëhet fjalë për një regjistër të tërmeteve më të fuqishme që kanë ndodhur gjatë 15 viteve të fundit në botë, transmeton albinfo.ch. Këtu hyn sigusirsht edhe cunami i vitit 2004 në Azinë Juglindore, i cili pati, me magnitudën prej 9.1 shkallësh të rihterit marrë mbi 200 mijë jetë njerëzish.

Ndërkaq tërmeti më i rëndë që ka ndodhur ndonjëherë dhe që është regjistruar, është ai i vitit 1960 në Qile, me 9.6 shkallë.

Këtu mund të shihni videon: