Bosnja aplikon për t’u bashkuar me BE-në

Bosnjë e Hercegovina i ka paraqitur Brukselit kërkesën zyrtare për anëtarësim në Bashkimin Evropian.

Bosnja kishte bërë përpjekje për t’u bashkuar me BE-në në vitin 2000, por mosmarrëveshjet e mëdha mes komunitetit serb, kroat dhe mysliman kanë bllokuar reformat e nevojshme për vendin.

Kryetari i Presidencës tripalëshe të Bosnjës, Dragon Coviç, tha se është një kënaqësi e madhe që do të paraqesim këtë kërkesë në emër të popullit të Bosnjë e Hercegovinës, kroatëve, serbëve dhe boshnjakëve”.

Mbërritja e kërkesës është konfirmuar edhe nga shefja e Politikës së Jashtme të BE-së, Federika Mogherini.

Por, ajo ka vlerësuar se aplikimi nuk do të merret në konsideratë, pasi vendi nuk i ka plotësuar kushtet e nevojshme.

Aplikimi ishte paralajmëruar disa ditë më parë edhe nga kryeministri i Bosnjës, Denis Zvizdiç, i cili deklaroi se në muajin shkurt do t‘i drejtohet BE-së me një kërkesë zyrtare për nisjen e proceduarave të anëtarësimit.

Zvizdiç shprehte bindjen se 28 vendet anëtare do të votonin pro Bosnjës, në mënyrë që edhe ajo të arrijë statusin e vendeve fqinje në Ballkan gjatë 2017-ës.

Nga vendet e Ballkanit, Kroacia nisi procedurat e anëtarësimit në vitin 2013, ndërkohë që edhe Serbia e Mali i Zi tashmë janë duke bërë përparim drejt anëtarësimit gjithashtu.