Bllokimi i shqiptarëve në aeroportin e Varshavës, rikthehen në vendlindje

Tomek Baginski @tombag

Informacionet e fundit tregojnë se diaspora shqiptare në Poloni ka mbetur e bllokuar shkaku i vendimit të Qeverisë polake për bllokimin me Shqipërinë, shkaku i rasteve të shumta dhe mundësia e rrezikut të infektimeve, shkruan albinfo.ch.

Së fundmi, Ministria për Evropën dhe Punët e Jashtme ka reaguar pas bllokimit të shqiptarëve në Varshavë, të cilët nuk arritën dot të hyjnë në Poloni.

Duhet theksuar se Ministria e Jashtme njofton se të gjithë pasagjerët që nuk kanë arritur të hyjnë në Poloni dhe janë bllokuar në Varshavë do t’u vihet në dispozicion një avioni charter për t’i rikthyer në atdhe, sot, e diel, 16 gusht 2020, herët në mëngjes.

Njoftimi i Ministrisë:

Njoftim lidhur me moslejimin e qytetarëve shqiptarë në Aeroportin e Varshavës

Në mënyrë të papritur, Polonia ka ndryshuar regjimin e hyrjes së qytetarëve shqiptarë në Poloni.

Për shkak të këtij ndryshimi, ditën e shtunë, më 15 gusht 2020, qytetarë shqiptarë, të cilët u nisën në udhëtim drejt aeroportit të Varshavës me linjën ajrore të Kompanisë Polake, LOT Airline, nuk janë lejuar të hyjnë në Poloni.

Ambasada e Republikës së Shqipërisë në Poloni në komunikim të ngushtë me disa shtetas të bllokuar në aeroportin e Varshavës, u vu menjëherë në komunikim me autoritetet vendase dhe me drejtuesit e kompanisë ajrore LOT Airline, duke arritur të bëhej e mundur vendosja e një avioni charter në dispozicion të shtetasve, për t’i rikthyer në atdhe, sot, e diel, 16 gusht 2020, herët në mëngjes. /Albinfo.ch