Bllokada në Austri, problem edhe kripa

Prodhimi dhe dorëzimi i kripës për të shkrirë dëborën kanë pësuar vërtetë anomali në Austri për shkak të reshjeve rekord të dëborës, të regjistruara në vend që prej një jave, njoftoi kompania prodhuese e kripës “Salinen Austria”.

“Ndërkohë që kërkesa është në pikun më të lartë, kompania me seli në zemër të Alpeve, po përjeton vështirësi të mëdha për të mundësuar dorëzimin në shumë akse që është bllokuar ose ndaluar qarkullimi për shkak të rreziqeve të ortekëve”, njoftoi zëdhënësja, Katharina Steiner për agjencinë APA.

Përveç kësaj shumë punonjës të ish-monopolit të shtetit, i cili punëson rreth 500 persona nuk munden të shkojnë në punë, gjë që ka shkaktuar anomali në prodhim, transmeton “ATSH”.

Kompania “Salinen Austria”, selia e së cilës ndodhet në Ebensee, pranë Salzburgut dorëzoi dimrin e kaluar 500 000 tonë kripë për të shkrirë rrugët nga dëbora, përcjell albinfo.ch.