Biznesmeni shqiptar i nominuar për çmimin “Sipërmarrësi i Vitit 2020 në Zvicër”

Jean-Christophe Bott - Keystone

Është bërë e ditur se Avni Orllati, biznesmeni shqiptar në Zvicër, është një nga 15 personalitetet e nominuar si finalist për çmimin Sipërmarrësi i Vitit 2020 në Zvicër, shkruan albinfo.ch.

Sipas raportit të “EY Building a better working World” thuhet se çmimi Sipërmarrësi i Vitit 2020 do të ndahet këtë vit me 30 tetor në një ceremoni virtuale për shkak të pandemisë.

Duhet theksuar se Avni dhe Basri Orllati në vitin 1995 vendosën të krijojnë kompaninë e tyre “A.Orllati”. Në vitin 1997 bashkohet me kompaninë vëllai i tyre Gjevgjeti dhe krijojnë kompaninë e tyre të re Orllati S.A., duke u bërë një nga kompanitë më të mëdha zvicerane dhe në vitin 2012 transformohet në Grupin Orllati S.A, shkruan tutje albinfo.ch.

Vlen të cekët se Grupi Orllati, me më shumë se 800 punonjës, është sot një nga furnizuesit kryesorë në sektorin e ndërtimit në Zvicrën frankofone. /Albinfo.ch.