Binjaket shqiptare, në serialin e njohur austriak “Soko-Donau”

Azili dhe arratisja janë temë e episodit të ri të serialit të njohur televiziv austriak “Soko-Donau”. Në këtë seri që po xhirohet në shtëpinë e azilit “Freunde schützen” luajnë edhe motrat binjake, shqiptaret me pejardhje nga Kosova Daniela dhe Doruntina Komani.
Në këtë shtëpi azili jetojnë 21 familje të rrezikuara pë dëbim. Shtëpia është ngritur para pesë vitesh dhe atëbotë pikërisht motrat Komani, atëbotë refugjate që banonin aty, që me fatin e tyre kishin bërë bujë në opinion. Vajzave simpatike nga Kosova pas dëbimit në vendlindje u qe mundesuar kthimi i sërishëm në Austri.
Sot ato kanë mbushur 13 vjet, ndjekin shkollën e mesme dhe luajnë në serialin Soko-Donau role amatore. “Gjatë xhirimeve nuk na janë ngjallur kujtimet e hidhura. Ne nuk mendojme më pë to”, thone binjaket për televizionin austriak ORF, transmeton albinfo.ch
Krahas motrave Komani në serial luajnë si statiste edhe fëmijë dhe të rritur tjerë, banorë të qendrës së azilit në skena si ato të dëbimit. Këto skena janë të ndjeshme për azilkërkuesit por ata kanë treguar të gjithë talent, thonë realizatorët e serialit.