Bien investimet e huaja në Maqedoni

Investitorët e huaj në nëntë muajt e parë të vitit kanë investuar 116 milionë euro në Maqedoni. Bëhet fjalë për 24.7% më pak në krahasim me periudhën e njëjtë të vitit të kaluar, sipas të dhënave të fundit të publikuara nga Banka Kombëtare. Kjo është për shkak të veprimit të pesë ministrave përgjegjës për tërheqjen e investimeve të huaja.

Në të njëjtën kohë, investitorët e huaj tashmë që punojnë në  Maqedoni, kanë nxjerrë jashtë vendit 152.9 milionë dividente, gjë që ndikoi në bilancin e investimeve të huaja, raportojnë mediat në Shkup.

Shifrat e publikuara nga Banka Kombëtare kanë konfirmuar se investitorët e huaj përmbahen për të ndërtuar fabrika.  Ata janë duke i shtyrë planet e tyre për kohë të pacaktuar në pritje të rezultatit të zgjidhjes së krizës politike.

Prandaj, analistët besojnë se është pothuajse e pabesueshme për të arritur parashikimet e Qeverisë për një fluks të investimeve të huaja në mes të 240 dhe 410 milionë eurove.