Bie rejtingu i Merkelit

Kancelarja gjermane ra në vendin e pestë në mesin e politikanëve më të popullarizuar, në një studim të “Politbarometar” nga CDF, njoftojnë mediat nga Berlini, përcjell albinfo.ch. Sipas një studimi të publikuar, Merkel ishte prapa ministrit të Financave Wolfgang Schaeuble, ministrit të Jashtëm, Walter Steinmeier, kryeministrit të Baden-Württemberg, Winfried Krechman nga radhët e gjelbërve dhe […]

Kancelarja gjermane ra në vendin e pestë në mesin e politikanëve më të popullarizuar, në një studim të “Politbarometar” nga CDF, njoftojnë mediat nga Berlini, përcjell albinfo.ch.

Sipas një studimi të publikuar, Merkel ishte prapa ministrit të Financave Wolfgang Schaeuble, ministrit të Jashtëm, Walter Steinmeier, kryeministrit të Baden-Württemberg, Winfried Krechman nga radhët e gjelbërve dhe pas kryeministres socialdemokrate të provincës Rhine Pfalz, Malu Dreyer.

Rënia e kancelares ndikon edhe në vlerësim më të ulët të Unioni Kristian Demokratik CDU / CSU, që është 3 për qind më e ulët e besimit të matur ndonjëherë në mandatin e kësaj qeverie.

Rënia në vlerësimet e Merkelit është për shkak të shqetësimeve në lidhje me politikën ndaj Turqisë, e cila është një partner i madh evropian dhe gjerman në uljen e krizës së refugjatëve.

80 për qind e të anketuarve besojnë se qeveria ka bërë shumë lëshime ndaj shtetit autokratik të udhëhequr nga Erdogan.

Një arsye shtesë në rënie të Merkelit dhe CDU / CSU është vendimi i qeverisë me kërkesën e Turqisë për të lejuar dënimin e satirikut Jan Beherman, i cili është tallur publikisht me Erdoganin nga televizioni shtetëror.