Besimtarët myslimanë po festojnë sot Fitër-Bajramin

Pas një muaji agjërim, myslimanët në mbarë botën sot festojnë Fitër Bajramin, përcjell albinfo.ch.

Qytetarë të shumtë janë parë mëngjesin e së hënës në Xhaminë e Madhe në Prishtinë, dhe asaj në Tiranë, për të falur namazin e Fitër Bajramit, ceremonia qendrore e së cilës u drejtua nga Myftiu i Kosovës, Naim Tërnava, përcjell albinfo.ch.

Namazi i Fitër Bajramit është falur në orën 06:41 të mëngjesit.

Tërnava në mesazhin e Fitër Bajramit një ditë më parë u shpreh se festa e Fitër Bajramit është festë që troket te të gjitha shtresat e popullatës me porosi e mesazhe të ngrohta gjithnjë në funksion të afrimit me rahmetin e krijuesit të gjithësisë, i cili për agjërimin ka premtuar shpërblim të veçantë.