Bernë: Moti i keq “shtyn” për sot fishekzjarrët e një gushtit

Das 1. Augustfeuerwerk vor der Kulisse des Bundeshauses und des Muensters, aufgenommen am Sonntag, 1. August 2004, in Bern. (KEYSTONE/Lukas Lehmann)

Moti i keq ka ndërprerë festimet e festës kombëtare të Zvicrës të shtunën në Bernë. Shkarkimi i fishekzjarrëve në Gurten është shtyrë për një ditë. Kjo ndërprerje është bërë për shkak se shiu dhe retë do të kishin penguar shikimin e kthjelltë të fishekzjarrëve, theksoi për media kancelaria e qytetit.

Fishekzjarrët në fjalë do të duhej të ndizeshin mbrëmë në orën 22:30.

Kjo ngjarje festive është planifikuar më në fund për të dielën në orën 22:15. Autoritetet thonë se kanë shpresë për një përmirësim të motit sot.

Deri pak ditë më parë, nga shkaku i vapës dhe thatësisë, në Kantonin e Bernës dhe në disa Kantone tjera qe vendosur të mos kishte fare fishekzjarrë për festën. Ky vendim pastaj qe zbutur, pas reshjeve lokale të shiut.