Bota

Bëhet presion për të ndaluar Brexit-in

E mërkurë, 27 Mars 2019 - 9:00 albinfo.ch

Një peticion që i bën thirrje Brexit të ndërpritet me anulimin e nenit 50, do të debatohet nga deputetët më 1 prill.

“Ky është peticioni më i nënshkruar që ka marrë ndonjëherë faqja e Dhomës së Përbashkët dhe Peticioneve të Qeverisë. Ka marrë 5.75 milionë nënshkrime!”, është shprehur komiteti i Peticioneve.

Deputetët do të debatojnë gjithashtu për peticionin që kërkon një referendum të dytë të Bashkimit Evropian, i cili ka marrë më shumë se 120,000 nënshkrime, transmeton ‘Scan’.

Një tjetër peticion që do të diskutohet është ai që kërkon largimin e Mbretërisë së Bashkuar, me apo pa marrëveshje. Ky i fundit u nënshkrua më shumë se 140,000 herë, përcjell albinfo.ch.