Beba njëvjeçare në Zvicër ra në një kovë me ujë, humbi jetën

Ngjarje e rëndë ka ndodhur në Kantonin Thurgau

Rast i pazakontë: një foshnjë në Zvicër, e moshës 1-vjeçare, ka humbur jetën tragjikisht duke luajtur, transmeton albinfo.ch.

Javën e kaluar në Basadingen të Kantonit Thurga, beba njëvjeçare ka rënë në një kovë plot me ujë. Ani pse është dërguar në spital me helikopter, nuk u mbijetoi plagëve dhe aty vdiq.

Policia Kantonale e Thurgaut ka sqaruar rrethanat e tragjedisë, e cila ende mbetet e paqartë. Kur u pyet nga Blick, zëdhënësja Claudia Brunner shpjegoi se kova në fjalë ishte një kovë me ngjyrë.

Referuar informacioneve të disponueshme deri më sot, djali njëvjeçar ka rënë në një kovë plot me ujë pak pas orës 12:45 në Diessenhoferstrasse, për arsye që mbeten të panjohura. Vogëlushi u ringjall nga nëna e tij derisa mbërritën shërbimet e urgjencës.

Në gjendje kritike, me helikopter u desh të dërgohej në spital. Sipas një njoftimi për shtyp nga Policia Kantonale e Thurgaut, ai vdiq aty pak më vonë. Për rastin në fjalë është hapur një hetim.

 

 

---