BE trefishon mjetet për shpëtimin e refugjatëve në Mesdhe

Për misionet e mbrojtjes së kufijve të BE-së "Triton" dhe Poseidon" të lihen në dispozicion rreth 9 milionë franga në muaj

Tragjedia më e rëndë detare e refugjatëve që ka ndodhur deri më tash, ajo në afërsi të ishullit Lampedusa pak ditë më parë, që ka marrë jetën e rreth 800 vetave ka ngjallur gjithandej në botë pakënaqësi me qasjen e vendeve të pasura ndaj këtij problemi. Të përballur me kritika dhe protesta për mosveprim, shtetet e BE-së kanë vendosur për një trajtim më energjik të çështjes.

Kështu, në një mbledhje që shefat e qeverive të vendeve të BE-së kanë mbajtur të enjten në Bruksel kanë vendosur që të trefishojnë shumën e mjeteve për shpëtimin e refugjatëve në det. Kjo nënkupton që për misionet e mbrojtjes së kufijve të BE-së “Triton” dhe Poseidon” të lihen në dispozicion rreth 9 milionë franga në muaj.

Buxheti i deritashëm i misionit “Triton” ishte vetëm 3 milionë franga në muaj. Me trefishimin e buxhetit ne të vërtetë arrihet shuma që kishte në dispozicion misioni italian “Mare Nostrum”, i cili kishte vepruar para atij “Triton”.

Ai qe vlerësuar si i suksesshëm pasi që sipas të dhënave nga Roma, përmes tij ishin shpëtuar jetët e më shumë se 100 mijë refugjatëve të rrezikuar nga fundosja në Detin Mesdhe. Por ai qe braktisur për shkak të kostos së tij të lartë