BE thirrje për të vizituar Kosovën: Ta zbulojmë kandidatin e mundshëm për anëtarësim

Drejtoria e Përgjithshme e Komisionit Evropian për Fqinjësi dhe Zgjerim të BE-së ka zgjedhur që në një postim të promovojë Kosovën, duke rekomanduar që të vizitohet.

Në përshkrimin e BE-së, Kosova përshkruhet si kandidate potenciale për anëtarësim në BE, transmeton Albinfo.ch.

“Mbeten shumë sfida dhe nevojitet përparim domethënës për të forcuar sundimin e ligjit, për të trajtuar korrupsionin dhe për të punuar drejt një mjedisi më të pastër. Mbështetja e BE-së për Kosovën kërkon të ndërtojë progresin e deritanishëm dhe të krijojë një të ardhme më të mirë për qytetarët e saj”, thuhet në postim.

Në thirrjen “Le ta zbulojmë Kosovën” janë shfaqur edhe disa karakteristika interesante, ku thuhet se 24 për qind e popullsisë përbëhet nga të rinjtë me më pak se 15 vjeç, ndërsa 29.1 për qind i përkasin moshës 30-34.

“Programet e financimit dhe bashkëpunimi shtrihen në shumë fusha, si efiçenca e energjisë, zhvillimi i infrastrukturës, trajnimi për të rinjtë, trashëgimia kulturore e shumë të tjeta”, thuhet në postimin e Komisionit Evropian për Fqinjësi dhe Zgjerimin e BE-së.