BE i kërkon Kosovës krijimin e Asociacionit dhe shfuqizimin e vendimit për targa

pixabay

Përfaqësuesi i Lartë i BE-së për Politikë të Jashtme, Josep Borrell, në një bisedë përmes telefonit me kryeministrin e Kosovës, Albin Kurti dhe me presidentin e Serbisë, Aleksandër Vuçiq, kërkoi një marrëveshje mes tyre.

Gjatë bisedave të ndara, zyrtari i lartë i BE-së ka kërkuar nga dy drejtuesit e vendeve respektive që të përmbahen nga çdo veprim i njëanshëm që do të çonte në përshkallëzimin e mëtejshëm të situatës. Ai shton se veprimet e fundit nga ana e serbëve venë në rrezik punën disavjeçare në kuadër të dialogut.

“Zhvillimet e fundit në marrëdhëniet ndërmjet Kosovës dhe Serbisë vënë në rrezik vitet e punës së palodhur dhe arritjet e arritura në kuadër të dialogut të ndërmjetësuar nga BE-ja ndërmjet Beogradit dhe Prishtinës dhe pengojnë situatën e sigurisë në rajon dhe më gjerë”.

Më tej, Josep Borrell kërkoi nga Qeveria e Kosovës që të pezullojë vendimin për targat dhe të fillojë menjëherë hapat për themelimin e Asociacionit për komunat me shumicë serbe.