Kosova

BE deklarohet për rastin e zarfeve nga Serbia

Bashkimi Europian është duke vëzhguar me vëmendje situatën e krijuar pas reaksionit që shkaktuan zarfet e Serbisë, në punonjësit e KQZ-së gjatë procesit të numërimit të votave në Kosovë.

E hënë, 14 Tetor 2019 - 17:45 albinfo.ch

Në një përgjigje të dhënë për klankosova.tv, zyra për media e Bashkimit Europian, ka thënë se janë në pritje të përfundimit të hetimeve deri në rezultatet finale.

”Misioni i Vëzhgimit të Zgjedhjeve në BE po monitoron nga afër situatën”.

Pyetur se si do të ndikojë kjo situatë në procesin e dialogut tashmë të bllokuar mes Kosovës e Serbisë, BE shton:

”Ne jemi në pritje të rezultatit të hetimit në vazhdim e sipër”, thuhet në përgjigjen e dhënë të bllokut.

11 persona, zyrtarë të Komisionit Qëndror Zgjedhor janë duke u trajtuar në Klinikën Infektive në QKUK në Prishtinë, mbi dyshimet për helmim pas kontaktit që patën me zarfet e votave nga Serbia.

Zarfet arritën për numërim në Kosovë, pas procesit zgjedhor të mbajtur më 6 tetor, njofton Klan Kosova, përcjell albinfo.ch

https://www.facebook.com/KlanKosovaOfficial1/videos/1316302168551699/?t=0