Bavaria e do Kosovën në mesin e “vendeve të sigurta”

Për të kthyer më shpejtë azilkërkuesit, Landi i Bavarisë planifikon klasifikimin edhe të Kosovës, Shqipërisë dhe Malit të Zi si "vende të sigurta origjine"

Në Bavari qeveris CSU, Partia Cristiansociale Landi i qeverisur prej partisë kristiansociale. Kjo qeveri ka paraqitur të premten kërkesën përkatëse në Këshillin Federal (Bundesrat), për klasifikimin e Kosovës, Shqipërisë dhe Malit të Zi si vende të sigurta. Me një vendim të tillë autoritetet kanë mundësi që t’i refuzojnë aplikimet dhe t’i kthejnë azilkërkeusit nga këto vend përmes procedurave të përshpejtuara.

Kërkesa e bavarezëve argumentohet, se numri i azilkërkeusve nga këto tre vende të Ballkanit është rritur vrullshëm, por aplikimet për azil prej tyre megjithatë refuzohen si të paargumentuara. Nisma ligjore e Bavarisë iu dorëzua komisioneve përkatëse në dhomën e përfaqësimit të landeve.

Pas shpalljes së vendeve tjera të Ballkanit si “vende të sigurta” ishin rritur kërkesat që në këtë kategori të futen edhe Kosova, Shqipëria e Mali i Zi, por e majta në nivel federal dhe në lande i kishte kundërshtuar këto kërkesa

Kjo nismë fitoi shtysë të re në valën e debatit të ndezur aktualisht në sfondin e dyndjes së madhe të azilkërkuesve nga Kosova që nga fillimi i vitit. Pasi federata u përpoq ta frenojë përmes formave të ndryshme këtë dyndje, aktualisht numri i azilkërkuesve kosovarë ka nisur të bjerë, shkruan dw.de.

Ipeshkvët: Një “Plan Mareshal” për Kosovën

Ndërkohë ipeshkvët katolikë në Bavari janë shprehur kundër nismës për ta shpallur Kosovën si vend të sigurtë origjine. Gjendja ekonomike e njerëzve në këtë vend është katastrofale, e paqendrueshme, thuhet në deklaratën të Konferencës së Ipeshkëve në Freising të publikuar ditën e enjte në kuadër të asamblesë së pranverës, që i zhvilloi punimet në Mynih.

Ipeshkvët i bënë thirrje BE-së, që të ndihmojë në ndërtimin e strukturave ekonomike dhe sociale të shtetit në Kosovë. Kryetari i Konferencës së Ipshkëve gjermanë, kardinali i Mynihut Reinhard Marx propozoi një lloj “plani Marshall” për Kosovën. Në këtë mënyrë mund t’u ndihmohet njerëzve, që ata të mund të qendrojnë në këtë vend.

Marx vuri në dukje, se ipeshkvët nuk e konsiderojnë me vend rregulloren, që refugjatët të kthehen në një shtet të deklaruar si “vend i sigurtë origjine”, shkruan dw.de. Ata bëjnë thirrje, që të ruhet rregullorja për shqyrtimin individualisht të çdo kërkese për azil.

Më tej Marx u shpreh, që të gjithë refugjatëve në Bavari t’u mundësohet një konsulencë për azilin, e cila në pjesën më të madhe do të jetë në përgjegjësinë e kishës. Ndonëse shteti i lirë i Bavarisë ndërkohë ka marrë përsipër pjesën më të madhe të kostove, ipeshvët duan që në bisedime me përgjegjësit nga politika të insistojnë për kushte më të mira.

Huber: Ndal abuzimit

Ministri i shtetit pranë kancelarisë së Bavarisë Huber ka kërkuar kategorizimit të Kosovës si evnd i sigurt duke iu referuar rritjes së vrullshme të kërkesave për azil prej të ardhurve nga Kosova. Vetëm mes fundit të dhjetorit 2014 dhe mesit të shkurtit 2015 kanë ardhur në Gjermani për të paraqitur kërkesë pë razil 25.000. Kuota e njohjes është jashtëzakonisht e ulët. Sipas Huber, ata që aplikojnë me pa të drejtë për azil u cënojnë bazën atyre, që “vërtetë kanë nevojë për mbrojtje dhe ndihma”. Abuzimi me këtë të drejtë rrezikon edhe gatishmërinë në popull për t’u ndihmuar refugjatëve nga luftrat civile.