Basha: Ministri Xhafaj t’i nënshtrohet Ligjit antimafia

Kryetari i Partisë Demokratike, Lulzim Basha, pas takimit që pati me aleatët e kësaj partie ka thënë se të gjithë shqiptarët presin largimin e ministrit Xhafaj.

“Në emër të Partisë Demokratike, në emër të opozitës, kërkoj largimin e menjëhershëm të Fatmir Xhafajt nga detyra e ministrit të Brendshëm. Fatmir Xhafaj si ministër i Brendshëm pengon zbatimin e Ligjit antimafia”, theksoi ai, përcjell albinfo.ch.

Basha u shpreh se Xhafaj hesht dhe i fshihet përgjegjësisë së tij ligjore dhe politike. Ai thotë se ministri ndihmoi vëllain e tij “t’i shpëtojë ekstradimit në Itali dhe vuajtjes së dënimit italian në Shqipëri, të vazhdojë trafikun e drogës dhe të jetë një nga kokat e trafikut të drogës, siç e panë dhe e dëgjuan dje mbarë shqiptarët”.

Një ditë më parë disa media raportuan se ministri Xhafa ka dhënë dorëheqje, por që më pas u mohua lajmi nga këshilltari i tij.