Barnat në Zvicër, dukshëm më shtrenjtë se në BE

Medikamentet në Zvicër vazhdojnë të jenë më shtrenjtë se kudo jashtë vendit. Ndërsa, siç tregon një studim krahasues me nëntë vende të BE-së, dallimi te medikamentet «generika» (jo origjinale) është edhe më i madh dhe ai arrin deri në 47 për qind, shkruan srf.ch.

Studimin e kanë realizuar bashkësia e fondeve të sigurimit shëndetësor Santesuisse dhe ajo e industrisë farmaceutike Interpharma.

Nga ana tjetër dallimi në çmime te medikamentet origjinale është rreth 10 për qind. Në përllogaritjet e bëra është marë si pikë referimi kursi i euros me frangun 1.20 .

Krahasimi i çmimeve të medikamenteve është bërë në shtator të këtij viti, me vendet si Gjermania, Franca dhe Austria.