Barcelona kërkon mbrojtësin shqiptar

Mbrojtësi shkodran, Elseid Hysaj ka përfunduar në radarët e Barcelonës dhe me shumë mundësi gjatë verë do të largohet nga Napoli

Elseid Hysaj

Elseid Hysaj vazhdon të jetë në qendër të mediave të klubeve të mëdha evropiane, ndër to Chelsea e Bayern Munich, por edhe Barcelona, raporton albinfo.ch.

Është e përditshmja katalunase ‘Mundo Deportivo’ që është e afërt me kampionët e Spanjës, që me një shkrim ka bërë të ditur se Barcelona gjatë verës do të blejë një mbrojtës të djathtë, kurse në listë janë disa lojtarë, ndër ta edhe futbollisti shkodran.

“Ai është shumë i mirë në mbrojtje dhe në sulm, por me pak aftësi teknike për Barcelonën”, shkruan e përditshmja spanjolle.

Pas interesimit gjithnjë e në rritje të skuadrave angleze, monitorimi nga Barcelona do të rritë edhe më shumë vlerësimin për Hysajn, i cili që tani shihet si një nga mbrojtësit e djathtë më të mirë në qarkullim në Evropë.