Banorët e Cyrihut mund të shmangin mungesën e banesave duke u zhvendosur në Olten

pixabay

Duke qenë se Zyrihu ka një numër të pamjaftueshëm apartamentesh të lira, qiratë për ato që janë në dispozicion janë shumë të larta, përcjell albinfo.ch.

Nga ana tjetër, qyteti Olten, i vendosur 60 km larg në kantonin Solothurn, ka ‘problemin’ e kundërt: shumë banesa bosh me qira të arsyeshme.

Një politikan vendas, Christian Ginsig, e sheh këtë si një zgjidhje të qartë për mbipopullimin e Cyrihut: ai thotë se 100 nga 420 banesa në një kompleks rezidencial të quajtur “Olten Südwest” janë aktualisht bosh.

“Këtu mund të marrësh një apartament me 5.5 dhoma për 2000 franga”, tha ai, një çmim i mirë për një banesë të kësaj madhësie.

Megjithatë, jo shumë banorë të Cyrihut po nxitojnë për të bërë udhëtimin 31-minutësh të trenit për në Olten. Arsyeja: kompleksi në fjalë ka një reputacion jo të mirë për ndërtesat e ndërtuara keq.

Në fund të fundit, duket se nuk ka zgjidhje për problemet e strehimit të Cyrihut.