Banka Gjermane mbështet disa projekte energjetike dhe të ujërave

Ministri i Zhvillimit Ekonomik, Valdrin Lluka, ka pritur në një takim një delegacion të lartë nga Banka Gjermane për Zhvillim, kryesuar nga drejtori për Evropën Juglindore dhe Turqi, Christoph Tiskens, me të cilët ka bashkëbiseduar për projektet në fushën e energjisë dhe në fusha të tjera që mbulon MZHE-ja.

Me këtë rast, ministri Lluka ka falënderuar KFW-në për mbështetjen që i kanë dhënë Kosovës në zhvillimin e ekonomisë, me theks të veçantë në fushën e energjisë, sektorin e ujërave si dhe në sektorin e mbeturinave, përcjell albinfo.ch.

Në këtë takim u bë e ditur se janë tri projekte, të cilat janë në fazën e implementimit, e që janë mbështetur nga kjo bankë. Projekti për efiçiencën e energjisë në ndërtesat publike në nivelin lokal, projekti për trajtimin e ujërave të zeza në komunat e Prizrenit, Gjakovës dhe Pejës si dhe projekti për përkrahjen e kompanive për trajtimin e mbeturinave.