Babai me dy djemtë mbetën të plagosur nga të shtënat në Prishtinë

Pasditen e sotme në Lagjen e Spitalit në Prishtinë si pasojë e të shtënave me armë zjarri kanë mbetur të plagosur tre persona dhe një i vrarë.

Mediat kosovare kanë bërë të ditur se në këtë ngjarje kanë mbetur të plagosur babai me dy djemtë.

Lajmi.net ka mësuar se bëhet fjalë për 76-vjeçarin me inicialet G.R., 47-vjeçarin M.R., si dhe 51-vjeçarin F.R.

Ndërkaq i vrari në këtë incident siç raportohet është B.Mehmeti.

Motivet e incidentit thuhet se kanë të bëjnë me çështje pronësore, përcjell albinfo.ch.

---