Azilkërkuesit e dëbuar duan kthimin në Gjermani

Azilkërkuesit që janë deportuar dhe kanë ndalime hyrje, janë burgosur për disa muaj për rihyrjen në vend

Mijëra emigrantë në Gjermani kanë bërë kërkesë për azil disa herë dhe u kthyen në vend përsëri pasi u internuan, sipas një raporti të gazetës gjermane “Die Welt am Sonntag”, botuar të dielën.

Janë afro 5000 azilkërkues që kanë riaplikuar për azil pasi u internuan nga Gjermania që nga viti 2012, sipas raportit, i cili citon shifrat zyrtare të qeverisë.

Disa nga azilkërkuesit u larguan me dëshirë nga Gjermania, duke ditur që dëbimi ishte i menjëhershëm, transmeton Scan.

Ata më pas u kthyen në Gjermani për të bërë një kërkesë tjetër për azil, sipas raportit, përcjell albinfo.ch.

Numrat e cituar në raport tregojnë se për 1,023 azilkërkues aktualisht në Gjermani kjo është hera e katërt që ata kanë aplikuar për azil. Për 294 është koha e tyre e pestë, e gjashtë ose e shtatë.

Azilkërkuesit që janë deportuar dhe kanë ndalime hyrje, janë burgosur për disa muaj për rihyrjen në vend, sipas raportit. Arrestimet dhe dënimet më të gjata janë të rralla.

Gjermania pranon qindra mijëra kërkesa për azil çdo vit. Rreth 1.78 milion njerëz hynë në Gjermani për të kërkuar azil midis 2010 dhe 2018, sipas Zyrës Gjermane të Statistikave Federale.

Autoritetet thanë më herët në nëntor se ata prisnin që numri i aplikantëve për azil në vitin 2019 të ishte më i ulët se vitet e kaluara.

---