Autostrada ku vdiq 53-vjeçari nga Prizreni, e njohur për aksidente

Pavarësisht incidenteve të tilla shqetësuese, numri i viktimave të shkaktuara nga aksidentet rrugore ka pësuar rënie gjatë gjysmës së parë të vitit 2018

Një ngjarje tragjike kishte ndodhur në mëngjesin e së dielës, ku raportohet se ka ndërruar jetë D. Radi nga Prizreni. Ai ishte 53-vjeçar, derisa për një kohë të gjatë kishte jetuar në Zvicër.

Ai ishte goditur dy kuaj që ishin në autostradë A3 në Wollerau. Kafshët gjithashtu kanë ngordhur, shkruajnë mediat zvicerane, përcjell Albinfo.ch.

Pavarësisht përpjekjeve për të ringjallur vozitësin, ai ka ndërruar jetë në vendin e ngjarjes, raporton Policia Kantonale e Cyrihut, përcjell Albinfo.ch. Ngjarja e rëndë ka tronditur familjen e tij në Prizren, derisa raportohet se ai do të varrohet në Zvicër.

Por, kjo autostradë, ku humbi jetën 53-vjeçari është e njohur për disa aksidente. Në dhjetor të vitit të kaluar, një grua italiane vdiq dhe tre të tjerë u plagosën rëndë, pasi një autobus ishte rrëzuar. Mbi 40 persona mbeten të lënduar. Edhe shoferi 61-vjeçar kishte ndërruar jetë.

Pavarësisht incidenteve të tilla shqetësuese, numri i viktimave të shkaktuara nga aksidentet rrugore ka pësuar rënie gjatë gjysmës së parë të vitit 2018. 100 persona u vranë, shkalla më e ulët e vdekjeve që kur filluan regjistrimet më 1992. Mbi 1,700 njerëz u plagosën në aksidente rrugore në rrugët zvicerane gjatë gjashtë muajt e parë të vitit 2018.

Shifrat për fillim të vitit 2018 përfaqësojnë shkallën e dytë të aksidentit më të ulët që kur qeveria filloi të publikojë regjistrime çdo gjashtë muaj 29 vjet më parë, sipas të dhënave nga Zyra Federale e Rrugëve të Zvicrës.

---