Ata që refuzojnë trajtimin e koronavirusit mund të përballen me burg në Veneto të Italisë

Keystone

Njerëzit të cilët rezultojnë pozitiv me koronavirus, por refuzojnë trajtimin në spital mund të përballen me një dënim me burg, sipas një rregulloreje të re në rajonin verilindor të Venetos në Itali, shkruan “Reuters”, përcjell albinfo.ch

Urdhri i Guvernatorit Luca Zaia thotë se deri në fund të korrikut spitalet duhet t’i tregojnë zyrës së prokurorit publik për këdo që refuzon trajtimin pasi të testojë pozitivisht.

Sipas ligjit italian, kushdo që nga pakujdesia përhap një epidemi rrezikon dënimin me burg deri në 12 vjet, ndërsa kushdo që e bën këtë me qëllim mund të përballet me burgim të përjetshëm.

Të dhënat e fundit në dispozicion për rastet e koronavirusit të lëshuar më 6 korrik për Veneto tregojnë se rajoni ka gjithsej 169 persona të shtruar në spital, por thoshte se shqetësohej nga 28 infeksione të reja, nga të cilat 15 ishin të lidhura me udhëtimet jashtë vendit, përcjell tutje albinfo.ch