Ascona, një qytet simpatik që të lë shumë shije

Ascona një vend i bukur në jug të Zvicrës.

Ascona është një qytet në Zvicrën jugore në kantonin Ticino, në Zvicër, shkruan albinfo.ch.

Ky qytet është i njohur për arkitekturën e tij të stilit mesdhetar dhe shëtitoren e mbushur me kafene.

Ascona zotëron një pamje piktoresk, gurët e saj ndeshen me ujin e liqenit që ofrojnë pamje të veçantë, pranë ndërtesave të vjetra me një atmosferë italiane.

Ky vend ka butikë mode, galeri, dyqane suveniresh e po ashtu kafene të shumta që ofrojnë ushqime dhe pije të ndryshme.

Qyteti i vjetër është i ruajtur mirë, me ndërtesa që datojnë nga mesjeta që sipas historisë thuhet se datojnë që nga shekulli i 18-të.

Ascona është e famshme edhe për klimën e saj të butë, ofron udhëtime me varkë në liqenin Maggiore, ka shumë mundësi për ekskursione, shëtitje dhe çiklizëm në peizazhet e bukura të saj.

I zhytur me qetësinë që të ofron ky vend, shihet edhe një ishull i quajtur Brissago (italisht: Isole di Brissago) i vendosur në pjesën e liqenit Maggiore. Pamja e këtij ishulli të mahnitë, mes ujit të liqenit. Thuhet se aty është një restorant që ofron ushqime për vizitorët. /Albinfo.ch

 

 

 

 

 

 

 

 

 

 

 

 

 

---