As Andi Zeqiri nuk luan në ndeshjet kualifikuese

Zvicra nis ndeshjet kualifikuese për Evropian edhe me dy mungesa të tjera. Të hënën trajneri Murat Yakin ka njoftuar se në ndeshjet e marsit kundër Bjellorusisë dhe Izraelit do të mungojë edhe futbollisti shqiptar, Andi Zeqiri, që ka pasur performancë të shkëlqyer në ndeshjet me ekipin e tij dhe Jodan Lotomba, përcjell albinfo.ch.

Trajneri Yakin njofton se Cedric Itten do të zëvendësojë Zeqirin dhe Michael Lang luan në vend të Lotombas.

As futbollisti tjetër shqiptar Xherdan Shaqiri nuk luan në ndeshjet e marsit për kualifikim. Në njoftimin për ndryshimin e ekipit thuhet që “trajneri i Kombëtares Murat Yakin do vazhdojë pa shërbimet e Xherdan Shaqirit dhe Gregor Kobelit për ndeshjet kualifikuese të Kampionatit Evropian ndaj Bjellorusisë dhe Izraelit”, përcjell albinfo.ch.

Shaqiri nuk luan për shkak të një lëndimi, bëhet e ditur nga federata. “Xherdan Shaqiri nuk do të luajë me ekipin kombëtar për shkak të një problemi me muskuj”, thuhet tutje në komunikatë.