Arrestohet një shqiptar në Merdarë nga policia serbe, iu gjet flamuri i UÇK-së

Mediat në Kosovë raportojnë se policia serbe ka ndaluar një shtetas shqiptar në pikën kufitare të Merdares, pasi gjatë kontrollit të një furgoni Mercedes u gjet një flamur me simbole të Ushtrisë Çlirimtare të Kosovës (UÇK).

I arrestuari është L.D., lindur në vitin 1992. Flamuri ishte i fshehur nën ulësen e automjetit.

L.D. do të qëndrojë në paraburgim për 48 orë dhe më pas pritet të dërgohet në Prokurorinë e Lartë Publike në Prokuplje, ku do të procedohet penalisht për veprën e dyshuar.