Arrestohet një person për krime lufte në Kosovë

Foto ilustrim

Një person gjatë ditës është arrestuar nga Policia e Kosovës, më saktësisht nga Departamenti për hetimin e krimeve të luftës.

Policia ka njoftuar se i dyshuari mashkull, shtetas egjiptian është arrestuar nën dyshimin për krime lufte në Kosovë në vitin 1999.

“Pas lëshimit  të Aktvendimit mbi ndalimin e personit të arrestuar i njëjti është dërguar në Qendrën e ndalimit. Aktvendimi mbi ndalimin e personit të arrestuar është lëshuar nga Prokuroria Speciale e Republikës së Kosovës për shkak të dyshimit të bazuar se kishte kryer veprat penale: “Krime Lufte Kundër Popullsisë Civile””, thuhet në njoftimin e policisë.