Arrestohet në aeroportin e Prishtinës i dyshuari nga Shqipëria, tentoi të udhëtojë me dokumente të falsifikuara

Një person është arrestuar në Aeroportin Ndërkombëtar të Prishtinës “Adem Jashari”, pasi që kishte tentuar të udhëtonte me dokumente të falsifikuara.

I arrestuari, sipas policisë, është shtetas i Shqipërisë.

“Është arrestuar i dyshuari mashkull shqiptar, shtetas i Shqipërisë, pasi i njëjti ka tentuar të udhëtojë nga aeroporti me dokumente udhëtimi të një shteti tjetër, e të cilat dyshohet të jenë të falsifikuara”, thuhet në raportin e policisë.

Me urdhër të prokurorit, i dyshuari dërgohet në mbajtje.