Arrestohet në aeroportin e Cyrihut, duke u nisur drejt Prishtinës

Foto ilustrim

Një i arratisur 26 vjeçar u arrestua në Zvicër për shkak të një urdhër-arresti evropian të lëshuar nga Prokurori Publik i Piacenzës.

Shqiptari, i njohur tashmë nga drejtësia, iu arratis policisë tetorin e kaluar gjatë një operacioni blic, të njësisë hetimore të Piacenzës në fund të një hetimi në lidhje me shitjen dhe prodhimin e drogës.

Sic raporton Top-Channel nga Tirana, shqiptari me inicialet K. E, 26 vjeç, pas disa muajsh në arrati është arrestuar nga policia zvicerane në aeroportin e Cyrihut gati të hipte në një fluturim për në Prishtinë (Kosovë) dhe u arrestua në bazë të një urdhër arrestimi Evropian lëshuar nga Prokurori Publik i Piacenzës në tetor 2018, përcjell albinfo.ch.

26-vjeçari, së bashku me bashkëpunëtorët e tjerë shqiptarë, të arrestuar, u akuzua për organizimin e ‘blerjen e sasisë së 2 kg droge, që do të shitej në Piacenza, përcjell albinfo.ch.

Shqiptari, i cili u ekstradua në Itali dhe tani është në burg në Como, gjithashtu duhet t’i përgjigjet një serie akuzash, që kanë të bëjnë me vjedhjen e banesave dhe vilave në territorin e Firences.