Arrestohen tre shqiptarë që punonin ilegalisht në furrë

Tre shqiptarë kishin falsifikuar dokumentet. Ata kishin falsifikuar dokumentet në mënyrë për t’iu ikur procedurave dhe të llogariteshin si qytetarë të Bashkimit Evropian

Policia federale gjermane në bashkëpunim me organet doganore kanë bastisur një furrë të madhe në Wickede, ku kishte dyshime se po punonin punëtorë ilegalë, shkruan “backwelt.de”.

Ata kanë kontrolluar kartat e identitetit të katër punëtorëve, ku tre prej tyre i kishin italiane, por të gjitha ishin false, pasi të gjithë ishin shqiptarë, përcjell albinfo.ch.

Ata kishin falsifikuar dokumentet në mënyrë për t’iu ikur procedurave dhe të llogariteshin si qytetarë të Bashkimit Evropian.

Personi i katërt kishte pasaportë të vlefshme shqiptare, si dhe leje të punës në Gjermani. Ai u mundua që me mimikë t’iu thotë të mos flasin asgjë.

Tashmë, tre shqiptarët ndodhen në paraburgim në Buren.