Arrestohen përdhunuesit e turistes zvicerane në Indi

Në Madhia Pradeshit të Indisë policia ka arrestuar gjashtë të dyshuar si autorë të përdhunimit në grup të një turisteje zvicerane

Të dyshuarit të moshës 20 deri 25 vjeç  u paraqitën të hënën përpara një gjykate, për t’u njohur me akuzat që rëndojmë mbi ta dhe së shpejti pritet të nisë ndaj tyre procesi gjyqësor.

Turistja zvicerane ishte sulmuar dhe abuzuar derisa ishte me bashkëshortin e saj, të premten, në një zonë turistike në Indi.

Autorët e krimit në fillim sulmuan bashkëshortin, të cilin e rrahën duke e lënë pa ndjenja, përpara se të përdhunonin 39-vjeçare.

Arrestimet erdhën ndërsa në kryeqytetin Nju Delhi kanë nisur bisedimet për të ashpërsuar dënimet për përdhunimin në kodin penal.

Në muajt e fundit, India është tronditur nga disa raste përdhunimesh në grup, midis të cilave ai i një studenteje 23-vjeçare në muajin dhjetor.