Arigona me influencë të madhe në Instagram

Çfarë i shtyn njerëzit të shfaqen në Instagram dhe si arritën të bëhen influentë? Raffaela Zollo dhe Arigona Bunjaku janë dy femra nga Aargau që tërheqin qindra mijëra tifozë

Raffaela Zollo, e njohur më mirë me nofkën e saj “raffasplasticlife”, jeton në Rudolfstetten. E lindur në Graubunden, aktualisht atë e përcjellin në Instagram rreth 255.000 persona. Kështu pra, gruaja e mprehtë me flokë të ndritshëm e të kuq, është një e ashtuquajtur influente, një “ndikuese”.

Influentë llogariten ata persona që kanë më shumë se 100.000 ndjekës në Instagram dhe duke depërtuar te shumica e tyre dhe me këtë, të ndikojnë potencialisht në shumë persona.

Personat të cilët nuk kanë 100.000 ndjekës, por kanë një ndikim më të madh në tifozët e tyre janë të njohur si “mikro-influentë”; Këta po bëhen gjithnjë e më të rëndësishëm në fushën e marketingut. Influentët mund të jenë sportistë, muzikantë, blogerë të modës apo bukurisë, gazetarë, fotografë ose njerëz që mund të pozicionohen mirë në ndonjë mënyrë. Mbi të gjitha, ata duhet të jenë të rrjetëzuar mirë në mediat sociale.

Mu ashtu si Raffaela Zollo. Ajo është e njohur shumë përtej kufijve të Aargaut dhe është një ndër influentet më të njohur në Zvicër. Ajo pëlqen të qeshë me vetveten, i pëlqen moda dhe make-up. Por, jeta e 25-vjeçares nuk ishte gjithmonë kohë e mirë. “Unë kam lindur si një djalë”, thotë ajo në një nga videot e “Real Talk” të saj. Zollo haptazi merret me transeksualitetin e saj, tregon haptas për ndryshimin e saj të seksit, të cilën ajo e kishte bërë në moshën 19-vjeçare.

Nga mendimet vetëvrasëse, ngacmimet ose sfidat e gjetjes së një partneri si transeksuale. Me kurajon e saj, ajo i pushtoi tifozët e saj, si komentet nën postimet e saj: “Ti je e bukur, brenda dhe jashtë, unë e dua pozitivitet që ju po e shpërndani dhe tej ju mund të shihet se keni një zemër të madhe”, është njëri nga shumë reagimet.

Në Instagram, Zollo bën shaka për llogarinë e saj bankare bosh, fytyrën e saj të pazbukuruar, përpjekjet e dështuara të dietës, operacionet e saj të bukurisë dhe kështu frymëzon komunitetin e saj. Ithtarët e saj e quajnë “Queens” apo “Plastic-Family”. Zollo është gjithashtu një biznesmene, pasi ka filluar koleksionin e saj dhe shet qerpikë të rremë.

E gjithë kjo arrihet përmes pranisë së tyre në Instagram dhe bazës së tifozëve të tyre prej një çerek milion njerëzish. Mediat sociale dhe veçanërisht Instagrami, kanë krijuar një nivel krejtësisht të ri të mundësive për të pushtuar botën nga dhoma e jetesës.

Instagrami u themelua tetë vite më parë nga programuesi Kevin Systrom dhe zhvilluesi i softuerit Mike Krieger në Kaliforni. Fillimisht, Instagram ishte vetëm në dispozicion në App Store dhe që në ditën e parë u regjistruan 25.000 persona. Në vitin 2012, aplikacioni ishte gjithashtu i kapshëm edhe për smartfonin Android. Në të njëjtin vit, pasoi blerja nga Facebook: 750 milionë euro të paguara nga gjigandi i mediave sociale për Instagramin, i cili në atë kohë kishte dymbëdhjetë punëtorë. Tani ka një miliard përdorues të regjistruar dhe rreth 60 milionë postime publikohen çdo ditë.

Përveç Raffaela Zollo, edhe shqiptarja 26-vjeçare Arigona Bunjaku nga Aargau është një onfluente. Në Instagram ajo quhet “ar1gona”, ka 118.000 përkrahës dhe jeton në Baden. Blogeristja e modës dhe stilit jetësor ka planet e saj për qytetin: “Badenin dua ta bëj më të gjallë dhe më bashkëkohor”, ka pohuar ajo në një intervistë me “Schweiz am Wochenende”, njofton Albinfo.ch.

Bunjaku filloi të shkruante për argëtim. Gjithnjë e më shumë persona po e ndiqnin. Fillimisht, ajo i financoi studimet përmes reklamave, ndërsa tani ajo është plotësisht e fokusuar në blogun e saj.

Bunjaku reklamon për markat si H & M, L’Oréal ose Maison Mollerus. Bunjaku i ka rrënjët në Kosovë dhe ka jetuar në Gjermani. Për shkak të bashkëshoritt të saj, tre vite më parë ajo u transferua nga Düsseldorfi në Koblenz. Kur mbeti shtatzënë, të dy vendosën të banonin në Baden. Si një profesioniste e Instagramit, Bunjaku e mban komunitetin e saj me fotografi të barkut të foshnjave. Një koment: “Mami më e mprehur ndonjëherë”. Më 12 korrik, Arigona lindi fëmijën e saj të dytë.