Shkurt.ch

Apartament fluturues për 50 mijë dollarë

Në qytetin amerikan Denver për 50 mijë dollarë për një natë mund të shfrytëzoni një apartament fluturues që gjendet në majën e hotelit "Curtis", në qendër të qytetit

E shtunë, 3 Gusht 2013 - 15:05 albinfo.ch

Bëhet fjalë për një dhomë të vogël, por shumë funksionale. Apartamenti posedon gjithçka që nevojitet, duke përfshirë ashensorin, krevatin, tavolinën, një divan dhe sanitari të plotë.

Në çmimin prej 50 mijë dollarësh për një natë është përfshirë edhe transporti me një limuzinë luksoze nga aeroporti, dy “iPod” me muzikë të viteve ‘60-ta, dylbi Swarovski dhe një pako bizhuteri “Tiffany”. Po ashtu është përfshirë organizimi i një “party”, ku klienti i këtij apartamenti ka mundësi të ftojë edhe mysafirë të tjerë.