Anija “fluturuese” elektrike, debuton në Liqenin e Lucernit

Zvicra ka bërë debutimin e varkës së parë në botë hidrofoil me energji elektrike, e cila zvogëlon konsumin e energjisë dhe zhurmën, si dhe sëmundjen e detit, duke “fluturuar” mbi valë.
Varka e quajtur ‘Candela Seven’ mund të arrijë shpejtësi prej 55 km në orë kur fletët e e saj e nxjerrin atë nga uji.

Prodhuesit e saj thonë se kjo varkë udhëton më larg dhe më lehtë se varkat e tjera elektrike. Fletët zvogëlojnë fërkimin e ujit dhe efektin e valëve që përplasen në anije, duke ulur konsumin e energjisë me 80% në krahasim me anijet normale me motor nafte dhe duke zgjatur diapazonin e autonomisë deri në 90 km, raporton Reuters.

Anija me fibra karboni gjithashtu bart një kompjuter në bord, i cili i rregullon automatikisht pozicionet e fletëve 100 herë në sekondë për të zvogëluar riskun e përzierjes nga deti.

Deri më tani, anijet elektrike kanë tentuar të sakrifikojnë ose shpejtësinë ose distancën për shkak të kufijve të kapacitetit të baterive të tyre. ‘Candela Seven’ bëri debutimin në Liqenin e Lucernit këtë javë, me Candela Speed Boat duke shpresuar të realizojë biznese të reja falë një turni europian. Kompania me bazë në Stokholm ka dorëzuar 16 anije që nga viti i kaluar. Anija, e cila kushton rreth 250,000 euro, do të ishte një përshtatje e mirë për qytetet buzë liqenit të Zvicrës, si Cyrihu, Lucerni dhe Gjeneva, tha importuesi zviceran Christian Vogel.

“Njerëzit mund ta përdorin atë për të udhëtuar përtej liqeneve ose për udhëtime ditore. Ju mund ta vozisni këtë me një ndërgjegje të pastër nga pikëpamja mjedisore dhe kjo është një kënaqësi e shkëlqyeshme”, tha ai, përcjell Albinfo.ch.

Electric speedboat #CandelaSeven makes debut appearance on Swiss lake https://t.co/GjVwvehEPL

— British Herald (@BritishHeraldUK) September 4, 2020