Anëtarësimi i Kosovës në Këshillin e Evropës, sot në agjendë

Pixabay: Ilustrim

Këshilli i Evropës në takimin e së hënës do të shqyrtojë edhe aplikimin e Kosovës për t’u anëtarësuar në këtë organizëm të Bashkimit Evropian.

Përpos agjendës së publikuar nga KE-ja, edhe këshilltarja e presidentes Vjosa Osmani, Rejhane Vuniqi, ka shkruar për këtë çështje, përcjell albinfo.ch.

“Aplikimi i Kosovës për anëtarësim në Këshillin e Evropës është në agjendën e Komitetit të Ministrave që mbahet të hënën. Le të shpresojmë për zhvillime pozitive në këtë hap të rëndësishëm drejt integrimit evropian”, ka shkruar Vuniqi, përcjell albinfo.ch.

Kosova ka aplikuar për anëtarësim në Këshill të Evropës më 12 maj të vitit 2022.

Serbia e ka kundërshtuar një gjë të tillë, megjithatë me Marrëveshjen për normalizim të marrëdhënieve që u arrit më 18 mars në Ohër Serbia duhet të heqë dorë nga kundërshtimi i anëtarësimit të Kosovës në organizatat ndërkombëtare.