Amerikanët pretendojnë se kanë zbuluar kurën kundër koronavirusit

Shkencëtarët e një kompanie bioteknike në Kaliforni deklarojnë se kanë zbuluar një antitrup që bllokon komplet koronavirusin dhe e kanë quajtur atë “kurë”

Sorrento Therapeutics, me bazë në San Diego, shpjegon se antitrupi STI-1499 ndalon 100% virusin që të hyjë në qelizat e shëndetshme njerëzore, shkruan Daily Mail.

Ky është një nga disa antitrupat që Sorrento Therapeutics po zhvillon bashkë me shkollën e mjekësisë “Mt.Sinai” në Nju-Jork.

Një koktej antitrupash mund të veprojë si një ‘mburojë mbrojtëse’ për qelizat njerëzore, duke parandaluar hyrjen e virusit që shkakton COVID-19, SARS-CoV-2.

Ai bllokon virusin nga porta kryesore e tij, një receptor në sipërfaqen e qelizave njerëzore, receptori ACE2, transmeton TCH.

Në një deklaratë për shtyp, Sorrento bën me dije se mund të krijojë 200 mijë doza antitrupash në muaj, periudhë kjo që mund ta bëjë ilaçin të mundshëm shumë më shpejt sesa të pritet për një vaksinë, përcjell albinfo.ch.

---