Ambasadori Sabri Kiçmari promovon libër për Kosovën

Ambasadori Sabri Kiçmari promovon librin “Republik Kosova - Staatsgründung und Sozialstruktur” në Vjenë

Ambasada e Republikës së Kosovës në Austri, në bashkëpunim me Akademinë Diplomatike të Vjenës organizojnë promovimin e librit në gjuhën gjermane me titullin “Republik Kosova – Staatsgründung und Sozialstruktur”. (Shqip: “Republika e Kosovës- themelimi i shtetit dhe struktura sociale”) të ambasadorit të Republikës së Kosovës në Australi dhe Zelandë të Re, Dr. Sabri Kiçmari.  Libri, i cili është botuar nga shtëpia botuese austriake “United p.c”, do të promovohet të enjten, më 2 korrik, në Akademinë Diplomatike të Vjenës.

“Ftoheni të merrni pjesë në promovimin e librit “Republik Kosova – Staatsgründung und Sozialstruktur” të ambasadorit të Republikës së Kosovës në Australi dhe Zelandë të Re, Dr. Sabri Kiçmari, në Akademinë Diplomatike të Vjenës, më 2 korrik 2015, në orën 18:00”, thuhet në njoftimin e Ambasadës së Kosovës në Vjenë, raporton albinfo.ch.

Për një fjalë rasti gjatë këtij promovimi të ftuar në panel janë: Gerhard Sailler, ambasadori i Kosovës në Austri, Sami Ukelli, pastaj Johann Günther, Paul Lendvai, Wolfgang Petritsch, ndërkaq promovimi do të moderohet nga Faruk Ajeti, sekretar i tretë në Ambasadën e Kosovës në Austri.

Dr. Sabri Kiçmari ka doktoruar për Shkenca Politike në Universitetin e Bonit në Gjermani. Deri në vitin 2008 para, gjatë dhe pas luftës ai ishte i angazhuar politikisht në luftën për çlirimin e Kosovës, ndërsa deri në vitin 2008 ka punuar edhe si ligjërues në Universitetin e Prishtinës dhe në kolegje universitare në Prishtinë.  Pas pavarësisë së vendit, Kiçmari për pesë vjet me radhë ishte ambasador i Kosovës në Vjenë, kurse për më shumë se një vit është ambasador në Australi dhe Zelandë të Re.

15_07_02_Buchpraesentation_Sabri_Kicmari_Kosovo(1)