Ambasada: Nuk ka të lënduar nga Kosova

Sipas Ambasadës së Kosovës në Britani të Madhe nuk ka shtetas kosovarë të lënduar sot në sulmin që ndodhi në Londër

Sipas të dhënave deri më tani nuk të lënduar nga Kosova apo edhe të vrarë në sulmin që ndodhi sot në Londër, raporton albonfo.ch.

Ambasadori i Kosovës në Britani të Madhe, Lirim Greiçevci, ka thënë se deri më tani nuk ka informacion për ndonjë shtetas të Kosovës të lënduar në sulmin afër parlamentit në Londër. Këtë njoftim e ka bërë në rrjetin social “Facebook”, ku kishte shumë shqetësime për shqiptarët që jetojnë në Londër.

“Ambasada e Kosovës në Londër është duke e përcjellur me vëmendje situatën e krijuar pas sulmit terrorist afër Parlamentit Britanik. Deri më tani nuk kemi informacion që ka ndonjë shtetas të Kosovës të lënduar në këtë sulm. Ne do të jemi në kontakt të vazhdueshëm me autoritetet në Londër dhe do të vazhdojmë ta monitorojmë situatën. Për çdo informatë ose kërkesë ofrojmë këtë numër emergjent: +447711077298”, ka shkruar ai.

Liderët politikë kosovarë e kanë dënuar sulmin në Londër. Siç raportojnë mediat angleze në sulmin e sotëm kanë vdekur katër persona dhe janë lënduar 20 të tjerë.