Ambasada amerikane uron Ditën e Çlirimit: Nderojmë qëndrueshmërinë e popullit të Kosovës

Ambasada amerikane në Kosovë, ka uruar 26 vjetorin e Çlirimit të Kosovës.

Kjo ambasadë përmes një postimi në Facebook, ka shkruar se 12 qershori 199 ishte një pikë kthesë, që u lejoi familjeve të zhvendosura të ktheheshin dhe komuniteteve të fillonin ndërtimin, përcjell albinfo.ch.

“Në këtë përvjetor, ne nderojmë qëndrueshmërinë e popullit të Kosovës dhe angazhimin tonë të përbashkët për të ndërtuar një të ardhme të bazuar në paqe, siguri dhe prosperitet”, ka shkruar ambasada amerikane në Facebook.

---