Akuzohet firma për përpilimin e temave të diplomave me pagesë

Pasi që është e vështirë t`i dokumentohet një studenti se punimi i tij është i shkruar nga tjetërkush, është ofertuesi i cili mund të fajësohet, thonë nga ky universitet

Ditë më parë Universiteti i St. Gallenit ishte vënë në fokus të medieve zvicerane për dukurinë e falsifikimit të temave të diplomës, gjegjësisht të porosive me pagesë për përpilim të temave të diplomës. Ishte raportuar për rreth 200 tema të tilla.

Por, problemi nuk është kufiruar vetëm në Universitetin e St. Gallenit. Edhe Universiteti i Bernës është përballur me këtë problem, shkruan srf.ch. Madje ky universitet ka ushtruar kallëzim penal kundër agjencisë «Acad Write», e cila akuzohet se shkruan punime akademike kundrejt pagesës.

Pasi që është e vështire t`i dokumentohet një studenti se punimi i tij është i shkruar nga tjetërkush, është ofertuesi në fjalë i cili mund të fajësohet, thonë nga ky universitet, transmeton albinfo.ch

Edhe universitete tjera të Zvicrës shqyrtojnë mundësinë e marrjes së masave juridike në këtë drejtim. Në universitetin ETH të Cyrihut tash për tash nuk ka të dhëna për një dukuri të tillë, shkruajnë mediet zvicerane.