Akuza kundër shefit të Nestlé-s pas shkarkimit të CEO-s, Freixe

Ndërsa një hetim i brendshëm u nis në maj, një hetim i tillë është një "mision vetëvrasës" për një CEO, sipas një eksperti

Sipas “NZZ am Sonntag”, Presidenti i Nestlé-së, Paul Bulcke, mund të mos ketë reaguar sa duhet shpejt në lidhje me marrëdhënien sekrete të CEO-së Laurent Freixe me një vartëse femër të tij. Kjo marrëdhënie i ka kushtuar Freixe-it me shkarkim të menjëhershëm nga puna dhe ka bërë bujë të madhe në mediat e këtushme, transmeton albinfo.ch.

Burime të brendshme thanë se Bulcke mund të kishte reaguar ndaj shenjave paralajmëruese më herët, pasi Freixe kishte fshehur më parë një marrëdhënie të brendshme. Kjo marrëdhënie çoi në martesën e tij aktuale.

Prandaj, bordi i drejtorëve duhet ta pranojë akuzën se nuk i ka marrë mjaftueshëm seriozisht informacionet e brendshme, tha një ekspert i qeverisjes korporative.

Ndërsa një hetim i brendshëm u nis në maj, një hetim i tillë është një “mision vetëvrasës” për një CEO, sipas ekspertit. Freixe nuk pranoi të komentonte për gazetën, por deklaroi: “Nuk është koha e duhur për komente, por do të vijë.”

Nestle është kompania më e madhe zvicerane në pergjithësi dhe njëra ndër më të mëdhatë në botë, në industrinë e ushqimit.

---