Aksidentohet me veturë të vjedhur

Një 20 vjeçar kosovar, është aksidentuar më veturë të vjedhur në orët e hershme të ditës së mërkurë në kanton Schwyz të Zvicrës.

Djaloshi kishte provuar t`i ikte një patrulle të policisë duke rritur shpejtësinë mbi 100 km/h derisa shkakton vet aksident në rrugën Schwyzerstrasse por shpëton pa lëndime, shkruan bote.ch, përcjell “albinfo.ch”.

“Kur personi has në një patrullë policie e cila ishte në rrugën Leutschenstrasse in Freienbach, ai provon t`ik policisë duke ndezur sinjalet paralajmëruese dhe rrit shpejtësinë mbi 100 km/h derisa vet aksidentohet në rrugën Schwyzerstrasse dhe më pas arrestohet”, thotë  një zëdhënës i policisë së kanton Schwyz, njofton “albinfo.ch”.

Kosovari 20 vjeçar nuk kishte as leje qarkullimi për vozitje dhe tani ai duhet të përgjigjet para prokurorisë kantonale në Schwyz. Sipas hetimeve të policisë u konstatua se vetura të cilën e ngiste ishte e vjedhur.