Aksident tragjik në Gjermani: 20 pasagjerë në gjendje kritike pas përmbysjes së autobusit

Ngjarje e rëndë në Gjermani: Autobus me pasagjerë aksidentohet rëndë

Raportohet se një autobus i kompanisë Flixbus doli nga rruga në autostradën 19 në Mecklenburg-Pomerania Perëndimore, në Gjermaninë veriore, dhe u përmbys, transmeton albinfo.ch.

Referuar një zëdhënësi të policisë në orët e para të mëngjesit, 20 pasagjerë u plagosën rëndë nga 53 sa ishin në total.

Pasagjerët e plagosur rëndë mbetën i bllokuar për dy orë para se të lirohej drejt emergjencës.

Zëdhënësi fillimisht nuk ishte në gjendje të jepte informacion për shkallën e lëndimeve të pasagjerëve të tjerë.

Autobusi kishte 53 pasagjerë dhe dy shoferë në bord dhe ishte në rrugë për në Vjenë nga Kopenhaga, raportojnë mediat gjermane,

Aksidenti ndodhi rreth orës 2:40 të mëngjesit, në nyjën e Röbel, në drejtim të Berlinit. Autobusi fillimisht doli nga rruga në anën e djathtë dhe më pas u përmbys. Shkaku i aksidentit ende nuk dihet.

Autostrada është aktualisht plotësisht e mbyllur në drejtim të Berlinit.

Shërbimet e emergjencës, zjarrfikësit dhe helikopteri i shpëtimit janë aktivizuar.

 Në vendin e ngjarjes janë angazhuar edhe oficerë nga njësitë e autostradave në Dummerstorf dhe Linstow, si dhe nga Plau am See./Albinfo.ch

---